နေသာ လေလာတဲ့နေ့

Russia trains 4,000 Myanmar nuclear officers, academic says

Russia trains 4,000 Myanmar nuclear officers, academic says

Aug 6, 2010, 12:17 GMT

Bangkok - Russia has trained 4,185 Myanmar military officers in nuclear sciences over the past decade but only a 'sprinkling' of scholars has pursued the positive uses of the energy source, a Myanmar academic said Friday. Myanmar's nuclear ambitions have been a subject of concern in recent years after allegations by defectors that the pariah regime is keen to develop nuclear weapons in cooperation with North Korea.

Myanmar's ruling junta, however, claims that its nuclear ambitions are purely medical in nature. Maung Zarni, a research fellow at the London School of Economics and Political Science, pointed out that only a handful of the Myanmar graduates who have studied nuclear-related technologies in Moscow had medical backgrounds, raising questions about the regime's claims of pursuing nuclear energy for medicinal reasons.

'Between 400 to 600 graduates are sent to Russia every year and out of those graduates only sprinklings of officers have medical backgrounds,' he told a seminar at Bangkok's Chulalongkorn University. Zarni estimated that only five to 20 of the military graduates attending nuclear-related courses in Moscow since 2001 had medical backgrounds. He had compiled the list of 4,185 based on interviews with former graduates, he said. 'And if the nuclear programme is for medical purposes why isn't there any involvement by the Ministry of Health,' Zarni noted.

He acknowledged that it was still difficult to prove whether Myanmar's military junta had acquired or developed nuclear weapons, but argued their intent to do so was pretty clear. At this stage the junta might be more interested in using the threat of a potential nuclear arsenal as a 'big stick' in diplomacy, he speculated. The fact that the US and other powers have not done anything substantive to rein in North Korea is because they have the bomb, so that's a role model for a lot of rogue states,' Zarni said.

Myanmar has been under military rule since 1962.


http://www.monstersandcritics.com/news/asiapacific/news/article_1575926.php/Russia-trains-4-000-Myanmar-nuclear-officers-academic-says မှကူးယူဖော်ပြသည်။

မြင်မြင်သမျှ အထင်ကရ

 မြင်မြင်သမျှ အထင်ကရ
မေရနံ့ | တနင်္လာနေ့၊ သြဂုတ်လ ၀၂ ရက် ၂၀၁၀ ခုနှစ် ၁၈ နာရီ ၂၃ မိနစ်

(၁) ကျမတို့ သမီးခင်ပွန်း ထိုင်းနိုင်ငံမဲဆောက်မြို့ကို ၂ဝဝ၈သြဂုတ်လ (၄)ရက်နေ့မှာ ရောက်လာခဲ့ပါတယ်။ ဒါ ပထမဆုံးအကြိမ် ရောက်ဖူးတာဆိုတော့ မြင်ကွင်းအားလုံးက ကျမအတွက် ထူးဆန်းနေတယ်။ လူနေမှုဘဝတွေက ကျမတို့ မြန်မာပြည်နဲ့ တခြားစီဖြစ်နေတော့ အရာရာကို ငေးနေခဲ့မိတာများပါတယ်။

ထင်ရှားတဲ့မြင်ကွင်းက လမ်းဘေးမှာ အမှိုက်သိမ်းနေတဲ့ လူငယ်တွေ၊ ဆန်ဘလော့လို့ခေါ်တဲ့ ကျမတို့ မြန်မာပြည်က ဆိုက္ကားမျိုး နင်းကြသူတွေ၊ အဝတ်အစားစုတ်နွမ်းနွမ်းနဲ့ စက်ရုံအလုပ်သမလေးတွေ စတဲ့ အောက်ခြေ လူတန်းစားတွေမှာ ဖုန်းလေး တကိုင်ကိုင်နဲ့ဖြစ်နေကြတာပါပဲ။

မြင်ခါစ (၁)ဦး(၂)ဦးတုန်းကတော့ ကလေးကလား ကစားစရာမက်နေတယ်လို့ အထင်တောင် သေးမိလိုက်တယ်။ နောက်ပိုင်း လူတိုင်းလိုလိုမှာ တွေ့လာရတော့ ကျမ နားလည်သွားတယ်။ ဒီနိုင်ငံမှာ ဒီလို ဆက်သွယ်ရေး ပစ္စည်းမျိုးက သူတောင်းစားကအစ သုံးနိုင်တယ်ဆိုတာလေ။
ကျမတို့နိုင်ငံမှာတော့ ကိုယ့်အားကိုယ်ကိုး ကိုယ်ထူ ကိုယ်ထစနစ်နဲ့ စခန်းသွားနေရတာ၊ ကုန်ဈေးနှုန်းကျအောင် လမ်းပေါ်ထွက် ဆန္ဒ ပြရ၊ ဘုန်းတော်ကြီးတွေ မေတ္တာထွက်ပို့ ရတဲ့အထိ ဖြစ်ခဲ့ကြဘူးတယ်။နောက်ဆုံး တော့ အားလုံးကို အုပ်စိုးသူက လက်နက်နဲ့ ဖြိုခွင်း ပစ်လိုက်တာ မေတ္တာပို့တဲ့ ဘုန်းဘုန်း တွေ လမ်းမပေါ်မှာ သေကုန်ပါရောလား။

ရန်ကုန်မှာ လက်ကိုင်ဖုန်းတလုံးကိုင်နိုင်ဖို့ဆိုတာ ငွေအရင်းအနှီးက နည်းတာမှမဟုတ်ပဲ၊ သိန်း၂ဝ ၃ဝဆယ် ပေးပြီးမှ ကိုင်နိုင်ကြတာ။ ဒါကြောင့် လက်ကိုင်ဖုန်း သုံးနိုင်တဲ့လူကို လမ်းသွားရင်း လက်ချိုးရေရင် လက်တဖက်ပြည့်ဖို့ အချိန်ေ တ်ာတော်ယူရမယ်လို့ ကျမ ထင်မိခဲ့တယ်။

ပြည်တွင်းမှာနေခဲ့တုန်းက ထိုင်းနိုင်ငံဆိုတာ ကြားဖူးခဲ့ပေမယ့် သူတောင်းစားကအစ လက်ကိုင်ဖုန်း သုံးနိုင်လောက်တဲ့အထိ ရှိမယ်လို့ မထင်မိဘူး။ ဒါပေမယ့် ကိုယ့်မြန်မာလူမျိုးတွေကိုသာ လက်ကိုင်ဖုန်း စက်ဘီးလောက်နဲ့ ကောင်းစားလှပြီထင်နေတာ။ ထိုင်းနိုင်ငံသားအများစုက ကားကိုယ်စီနဲ့။ လိုင်းကားဆိုတာ အတော်ရှားသကိုး။ ရှိတဲ့လိုင်းကားကလည်း မြန်မာပြည်သားတွေချည်း အစီးများကြတာလေ။

တချို့ ဗမာအလုပ်သမား လိုင်းခန်းတွေဘက် ရောက်မြိပီဆိုရင် အခန်းတိုင်းလိုလိုမှာ တီဗီ အပေါ်စက် အောက်စက် ရှိတတ်ကြတာတွေ့ရတယ်။ မီးကလည်း (၂၄)နာရီအပြည့် ဈေးသက်သက်သာသာနဲ့ရတယ်။ ကိုယ်က စည်းစနစ်တကျနဲ့ သုံးတတ်စွဲတတ်ရင် အစိုးရထောက်ပံ့တဲ့ လစ်မစ်မကျော်တဲ့အတွက် ရေ၊မီးက အလကား သုံးရတယ်၊ ပိုက်ဆံမပေးရဘူး။ကောင်းလိုက်တဲ့ လူမှုဖွံ့ဖြိုးရေး အစီစဉ်တွေလေ။

ကျမတို့နိုင်ငံမှာတော့ ကိုယ့်အားကိုယ်ကိုး ကိုယ်ထူ ကိုယ်ထစနစ်နဲ့ စခန်းသွားနေရတာ၊ ကုန်ဈေးနှုန်းကျအောင် လမ်းပေါ်ထွက် ဆန္ဒပြရ၊ ဘုန်းတော်ကြီးတွေ မေတ္တာထွက်ပို့ရတဲ့အထိ ဖြစ်ခဲ့ကြဘူးတယ်။ နောက်ဆုံးတော့ အားလုံးကို အုပ်စိုးသူက လက်နက်နဲ့ဖြိုခွင်း ပစ်လိုက်တာ မေတ္တာပို့တဲ့ ဘုန်းဘုန်းတွေ လမ်းမပေါ်မှာ သေကုန်ပါရောလား။

(၂)

၂ဝဝ၉ ဇန်နဝါရီလ ၁၉ရက်မှာ ကျမတို့ ဇနီးမောင်နှံ ၂ယောက် နို့ဖိုးဒုက္ခသည်စခန်းထဲရောက်တော့လည်း မြင်မြင် သမျှ အထင်ကရတွေချည်းဖြစ်နေပြန်တာပဲ။ ဒုက္ခသည်စခန်းမှာ လာရောင်းတဲ့ ထိုင်းလူမျိုး ကုန်စိမ်းသည်တွေ၊ ငါးစိမ်းသည်တွေက ကိုယ်ပိုင်ကားတွေနဲ့ချည်း ချလာကြတာ လှည်းနဲ့ စက်ဘီးနဲ့ဈေးသည်ဆိုတာ ရှာကိုမရဘူး။ ကျမတို့ဆီမှာတော့ လှည်းတစီး၊ စက်ဘီးတစီးတောင် ပိုင်ဖို့လွယ်ကြတာမဟုတ်ဘူး။

အင်တာနက်ဆိုင်ဆိုတာ ဒုက္ခသည်စခန်းမှာ (ကျမလှည့်သုံးဘူးတာချည်း) ၆ဆိုင်လောက်ရှိတယ်။ ဒါကျမတို့ PAB လို့ခေါ်တဲ့ ရပ်ကွက်လေး၂ခု အတွင်းမှာရှိတာလေ။ နို့ဖိုးဒုက္ခသည်စခန်းမှာက ရပ်ကွက်ပေါင်း ၁၆ခုရှိတယ် ဆိုတော့ အနည်းဆုံး ဆယ်ဂဏန်းအထက်မှာ ရှိလိမ့်မယ်လို့ ခန့်မှန်းနိုင်တယ်။

ကျမတို့ နယ်မှာ နေခဲ့တုန်းကဆိုရင် အင်တာနက်ဆိုတာ ဘယ်ကနေ ဘယ်လို တက်ရတယ်ဆိုတာကို တိတိကျကျ သိခဲ့ရတာမဟုတ်ဘူး။ တခါတခါ တီဗီထဲ စာအုပ်တွေထဲမှာပါလို့သာ အင်တာနက်ဆိုတဲ့ စကားလုံးကို ကြားဖူးခဲ့ရတာလေ။ ရန်ကုန်ရောက်တော့မှ သင်တန်းတွေ လိုက်တက်ဘူးလို့ အင်တာနက်ဆိုတာနဲ့ နည်းနည်း ရင်းနှီးလာခဲ့ရတာ။

ဒုက္ခသည်စခန်းမှာ အင်တာနက်သုံးခက တနာရီကို ကိုယ်လက်တော့ပ်နဲ့ ကိုယ်ဆိုရင် ဘတ်၂ဝပဲပေးရတယ်။ ဆိုင်က ကွန်ပျူတာနဲ့ဆိုရင် ဘတ်၃ဝယူတယ်။

အစိုးရ လျှစ်စစ်မီးကို ဒုက္ခသည်တွေ သုံးခွင့်မရှိကြဘူးဆိုတော့ ကျမတို့ ဒုက္ခသည်တွေက ရေအားလျှပ်စစ်တွေရအောင် ဖန်တီးထားကြတယ်။ ဒုက္ခသည်စခန်း ဘေးပတ်ပတ်လည်နဲ့ အနီးနား တဝိုက်မှာရှိတဲ့ ရေချောင်းတွေကုန်အောင်ကို လျှပ်စစ်စွမ်းအား ထုတ်နိုင်တဲ့ ဒိုင်နမိုတွေ ဆင်ထားကြတာများ အလုံးရေ ၂ဝကျော်၃၀ ဝန်းကျင်မှာရှိတယ်။

ဒိုင်နမိုတွေ မီးကြိုးတွေ မပျောက်မပျက်အောင်နဲ့ သစ်တောတွေထဲမှာ ဒိုင်နမို ဆင်ထားခွင့်ရဖို့ အတွက်က ပါမိုက်လို့ အများခေါ်ကြတဲ့ သစ်တောက ဝန်ထမ်းတွေကို တလဘတ်ငွေ ၅ဝဝ ပေးထားရတယ်။ အနည်းဆုံး တကီလိုကနေ ငါးကီလိုအထိအောင် ဆင်ကြတာများတယ်။ တကီလိုဆင်ရင်အနည်းဆုံး ဘတ်ငွေ ၁၅၀၀၀ ဝန်းကျင်လောက် ကုန်ကျမှုရှိတယ်။

သုံးကီလိုက ဘတ်၎သောင်း ခန့်ကုန်ကျတယ်။ တချို့ ရေချောင်းရှိတဲ့ နေရာနဲ့ အိမ်နဲ့နီးလို့ မီးကြိုးဖိုး သက်သာပြီး အကုန်အကျနည်းတာရှိသလို မီးကြိုးခွေ၂ဝကနေ ၅ဝ ဝန်းကျင်လောက်အထိ ကုန်ကြတာ လည်းရှိတယ်။

ရေးအားလျှပ်စစ်မီး ဆင်ထားကြသူတွေက အိမ်တွေကို မီးချောင်းတချောင်းစာအတွက် တလကို ၆၅ဘတ်နဲ့ မီးပေးလေ့ရှိတယ်။ ကွန်ပျူတာသုံးဖို့ တီဗွီကြည့်ဖို့အတွက်ဆိုရင် ၂၄နာရီပတ်လုံးကို ၈ဝဝကျပ် ပေးရတယ်။

တချို့လည်း ဘက်ထရီအိုး သွင်းစားကြတာရှိတယ်။ ဘက်ထရီ တအိုးသွင်းခက ရေမီးနဲ့ သွင်းရင် ၂ဝဘတ် ပေးရပြီး မီးစက်နဲ့ သွင်းတဲ့နေရာမှာတော့ ၂၅ဘတ်ပေးရတယ်။

အများစုသောဒုက္ခသည်တွေက ဆင်းရဲချို့တဲ့မှုရှိကြတာမှန်ပေမယ့် နိုင်ငံခြားက မိဘဆွေမျိုးအထောက်အပံ့နဲ့ နေကြသူတွေ ရာဂဏန်းလောက်ရှိတော့ ဒုက္ခသည်စခန်းကလည်း စည်ပင်နေတာပဲလို့ ပြောနိုင်တယ်။

ဒုက္ခသည်စခန်းမှာ ဈေးပေါပေါနဲ့ ကွန်ပျူတာ သင်ပေးနေတဲ့ သင်တန်းကျောင်းတွေလည်း ရှိသလို ဝဘ်ဆိုဒ်လုပ်တာထိ သင်ကြားပေးနိုင်တဲ့ အဆင့်ထိအောင်ရှိတဲ့ ကျောင်းတွေလည်းရှိကြတယ်။

ဘာပဲဖြစ်ဖြစ် ကျမကတော့ ထိုင်းဘုရင်နဲ့ ထိုင်းအစိုးရကို ချီးကျူးနေမိတယ်။ ပြည်သူတွေအပေါ် ထောက်ထားစာနာမှုရှိတယ်။ ပြည်သူတွေ အဆင်ပြေပြေ နေထိုင်အောင် စီမံပေးနိုင်တဲ့ စွမ်းရည်ရှိကြလို့ မင်းကောင်းမင်းမြတ်၊ အစိုးရကောင်း အစိုးရမြတ်တွေပဲလို့ မကြာမကြာ ချီးမွမ်းခန်းထုတ်မိတယ်။

ထိုင်းဘုရင်နဲ့ ထိုင်အစိုးရကို ချီမွမ်းခန်း ဝင်မိလေလေ၊ မြန်မာပြည်က အုပ်စိုးသူတွေကို ရိုက်ချင်လေလေပဲ။ ဒီလောက် သယံဇာတတွေ ပေါတဲ့နိုင်ငံ၊ ဒီလောက် ယဉ်ကျေးမှု အဆင့်အတန်း မြင့်မားတဲ့လူမျိုးတွေကို သူများနိုင်ငံမှာ ကျွန်လာခံရအောင်၊ သူများခြေထောက်အောက် ရောက်အောင် တွန်းပို့နေကြလို့ စဉ်းစားမိတိုင်း ဒေါသချည်း ထွက်နေရတယ်။

(၃)
ကျမတို့ ၂ဝ၁ဝ ဇွန်လအတွင်း နို့ဖိုးစခန်းကနေ မဲဆောက် ပြန်ရောက်လာခဲ့ပြီး မဲဆောက်မြို့နားက မဲ့ကဆာ ဆိုတဲ့ ရွာကိုလည်း ဦးဇင်းတွေနဲ့အတူ အလည်ရောက်ဖြစ်ခဲ့သေးတယ်။ ရွာလို့သာ အမည်တပ်ထားတာပါ။ ကျမတို့ မြန်မာနိုင်ငံမှာရှိတဲ့ နယ်မြို့တွေထက် သာတာချည်းပဲ။

မဲဆောက်-မဲ့ကဆာ ကားလမ်းက ချိုင့်မရှိ ကျင်းမရှိနဲ့ ကားစီးရတာ အတော်ကို ဇိမ်ရှိတာ၊ မဲ့ကဆာ ရွာအဝင်လမ်းမှာ ကြိုဆိုတဲ့ ဆိုင်းဘုတ်ကြီးက ဟီးလို့။ ထိုင်းဘုရင်မင်းမြတ် ရုပ်ပုံ၊ ဘုရင်မကြီးရုပ်ပုံတွေနဲ့ ပဏာရနေတာများ ကျမဖြင့် အံ့သြပြီးရင်း အံ့သြနေမိတာ။

လမ်းဘေးဝဲယာတလျှောက်မှာ စိုက်ပျိုးထားတဲ့ ပြောင်း၊စပါး အစရှိတဲ့ အပင်တွေကလည်း စိုက်ပျိုးရေးနိုင်ငံ လို့ဆိုတဲ့ ကျမတို့ မြန်မာပြည် ပြန်ရောက်နေလား မှတ်ရတယ်လို့ အဖော်တွေကိုပြောတုန်းရှိသေး မြန်မာ အလုပ်သမလေးတွေ လယ်ကွင်းထဲမှာ ထမီတိုတိုနဲ့ တွေ့လိုက်ရတော့ သြော်..ဒါဒို့ မြန်မာလက်ရာတွေပဲ ဆိုတာ ကျမသဘော ပေါက်လိုက်တယ်။

ကျမတို့မြန်မာလူမျိုးတွေရဲ့ ကျွမ်းကျင်တဲ့ စိုက်ပျိုးရေး ပညာတွေနဲ့ လုပ်အားတွေက ထိုင်းနိုင်ငံကြီး စည်ပင်ဝပြောအောင် ဖွံဖြိုးတိုးတက်အောင် ပေးဆပ်နေကြ ရတာကြည့်ပြီး မျိုးချစ်စိတ်နဲ့ မနာလို ဖြစ်ခဲ့မိသေးတယ်။

ကျမတို့ သွားတဲ့ဦးတည်ချက်က မဲ့ကဆာရွာမှာ ကျောင်းဖွင့်ဖို့ ကိစ္စအတွက်ပါ။ မဲ့ကဆာရွာ ဝင်ပြီး သိပ်မကြာပါဘူး။

ကျမတို့စီးလာတဲ့ ကားက အိမ်ဝင်းတခုထဲမှာ ထိုးရပ်လိုက်တော့ ရွာလမ်းဘေးတလျှောက် ကျွန်းတိုင်လုံးကြီးတွေနဲ့ အလှဆင်ပြီး ဆောက်ထားတဲ့ အိမ်ကြီးအိမ်ကောင်းတွေကို ကြည့်ပြီး ငေးပါလာတဲ့ ကျမ လန့်တောင်လန့်သွားရတယ်။
မြန်မာပြည်မှာ သူခိုးမရှိတဲ့အကြောင်း ဆရာကြီး ဦးဂိုအင်ကာရဲ့ အဖေက ထင်တယ်၊ သူ့အတွေ့အကြုံလေးနဲ့ ပြောပြ ထားတာလေ။ အဲဒါကို သွားအမှတ်ရမိလို့ ကိုယ့်လူမျိုးတွေရဲ့ စောင့်ထိန်းခဲ့ကြတဲ့ ဂုဏ်တွေကို အားနာနေမိတယ်၊ နှမြော နေမိတယ်။

ကျမတို့ဝင်လိုက်တဲ့အိမ်ကလည်း ဗမာအိမ်ပါပဲ။ အိမ်ရှင်ကတော့ ထိုင်းလူမျိုး သူဌေးဖြစ်ပြီး သူတို့က သူဌေးကောင်းမှုနဲ့ ခြံထဲမှာ အိမ်တဆောင် မီးတပြောင် ဖြစ်ရတဲ့ အနေအထားမှာ ရှိပါတယ်။

မဲ့ကဆာရွာမှာ ဗမာစာသင်ကျောင်းလေး တကျောင်းဖြစ်လာဖို့ ကြိုးစားနေကြတဲ့ သူတွေ၊ လူမှုရေးစိတ် အင်မတန်ပြင်း ထန်ကြတဲ့လူတွေဆိုတာ ကျမသိလိုက်ရတယ်။ အင်မတန် တက်ကြွကြပါတယ်။ ဒါပေမယ့် ကျောင်းဆောက်ဖို့ ကိစ္စကို ရွာသူကြီးက ခွင့်မပြုတော့ ကျောင်းမဖြစ်မြောက်နိုင်သေးပဲ ဆောက်လုပ်ရေး ပစ္စည်းတွေ တန်းလန်းကြီးနဲ့ ရပ်ထား ကြရတယ်။ သူတို့က ထိုင်းနိုင်ငံထဲ ရောက်လာတာ ဆယ်စုနှစ်တခု ဝန်းကျင်ရှိခဲ့ပြီဆိုတော့ သူတို့ပြောပြတဲ့ မဲ့ကဆာအကြောင်းတချို့က စိတ်ဝင်စားစရာကောင်းတယ်။

‘‘ဟိုးအရင်(၁ဝ)နှစ်လောက်ကဆို မြန်မာတွေကို ကားတာယာတွေနဲ့ မီးရှို့ပြီးသတ်ပစ်ကြတာ။ တချို့လူတွေက ပစ္စည်းခိုးတတ်ကြလို့တဲ့’’

မရှိလို့ခိုးတာကို ကားတာယာတွေနဲ့ မီးရှို့သတ်လောက်ရအောင်တော့ မရက်စက်သင့်ပါဘူး၊ အဓိကက မြန်မာမုန်းတီးရေး စိတ်ဓါတ် အခြေခံကြလို့ ဖြစ်မယ်ထင်တယ် ဆိုပြီး ကျမက ဆွေးနွေးတော့၊ ‘‘တချို့ ဗမာတွေက ဒီထိုင်းတွေရဲ့ အခြေခံစိတ်ကို နားမလည်တာလည်း ပါတာပေါ့။ ထိုင်းတွေကမရှိရင် တောင်းစား ပေးတယ်၊ ခိုးတာကို သူတို့ လုံးဝမကြိုက်ကြဘူး။ အဒါကြောင့် ပြဿနာတွေ ဖြစ်ကြရတာ’’ တဲ့။

အဲဒီတော့ ကျမလွန်ခဲ့တဲ့ ၅နှစ်လောက်က ဖတ်ခဲ့ဘူးတဲ့ (ဆရာကြီး ဦးဂိုအင်ကာ နဲ့ ပါတ်သက်တဲ့ စာအုပ်မှာပါပဲ။ ဇာတ်လမ်း အတိအကျတော့ မမှတ်မိဘူး) မြန်မာပြည်မှာ သူခိုးမရှိတဲ့အကြောင်း ဆရာကြီး ဦးဂိုအင်ကာရဲ့ အဖေက ထင်တယ်၊ သူ့အတွေ့အကြုံလေးနဲ့ ပြောပြထားတာလေ။ အဲဒါကို သွားအမှတ်ရမိလို့ ကိုယ့်လူမျိုးတွေရဲ့ စောင့်ထိန်းခဲ့ကြတဲ့ ဂုဏ်တွေကို အားနာနေမိတယ်၊ နှမြောနေမိတယ်။

စီးပွားရေးတွေ၊ အလုပ်အကိုင်တွေကမကောင်းတော့ ငွေကြေးပိုင်ဆိုင်ရာမှာ အခက်အခဲရှိကြရာက လွယ်လွယ်နဲ့ ငွေပွားမယ်ထင်တဲ့ လောင်းကစားဘက်တွေရောက်၊ လောင်းကစားရှုံးတော့ ကြံရာမရဖြစ်ကြရာကနေ သူများပစ္စည်းတွေ မျက်စောင်းထိုးရတဲ့ အနေအထားဆိုက်ရောက်လာကြတာများပါတယ်။ ကျမတို့ နေခဲ့ဘူးတဲ့ ဒုက္ခသည်စခန်းထဲမှာတောင်မှ သူခိုးသံက မကြာမကြာ ကြားနေရသေး၊ ပူနေရသေးတာပဲ။

တကယ်တော့ အုပ်စိုးသူ အဆက်ဆက်ရဲ့ အစီအမံအခန့်အခွဲ ညံ့ဖျင်းမှု၊ တကိုယ်ကောင်းဆန်ပြီး အာဏာရူးမှု၊ တိုင်းပြည်ဘဏ္ဍာတွေကို တလွဲအသုံးချမှုစတာတွေရဲ့ အကျိုးဆက်တွေကို ပြည်သူတွေက အလူးအလဲခံစားနေရတာလို့ ကျမနားလည် စာနာမိပါတယ်။

(၄)
‘‘မဲ့ကဆာရွာလေး တည်ထားပုံက နေချင့်စဖွယ်ပါပဲ။ အေးချမ်းမှာပဲနော်’’ လို့အိမ်ရှင်ဦးကြီးကို ကျမမေးကြည့်တော့ ‘‘မထင်နဲ့ဗျတဲ့။ ဟိုးအရင်ကလမ်းပေါ်ကိုနေ့လယ်ခင်း မထွက်ရဲကြဘူး။ မြင်းဆေးတွေဘာတွေက ဒီမှာရောင်းကြ၊ ဝယ်ကြရှိတယ်လေ။ နေ့ခင်းကြောင်တောင် ပစ္စည်းလုတာတွေ၊ လုမရရင် လူသတ်တာတွေတောင်ရှိခဲ့တာ။

အခုတော့ အရင်ကလောက်မဆိုးတော့ဘူး ဆိုနိုင်ပေမယ့် ည(၉)နာရီလောက်ဆိုရင် မထွက်ရဲကြတော့ဘူးဗျ’’
အိမ်ရှင်ဦးလေးကြီးတို့က ရွာနီးဝန်းကျင်တဝိုက်က ဗမာအသိုင်းအဝိုင်းမှာ ရပ်မိရပ်ဖလိုဖြစ်နေတော့ ကျမက မြန်မာတွေများစုရဲ့ အလုပ်အကိုင်အခြေအနေနဲ့ ရပ်တည်နေနိုင်မှု အနေအထားတွေကိုလည်း မေးကြည့်ခဲ့ပါသေးတယ်။

‘‘ဒီမှာ ကျနော်တို့ မြန်မာတွေကတော့ လယ်စိုက်၊ယာစိုက်ပေါ့ဗျာ။ တချို့မိန်းကလေးတွေလည်းအိမ်ဖော်ပေါ့။ အများစုက အလုပ်ကြမ်း လုပ်ကြရတာများပါတယ်။ ဘာပဲဖြစ်ဖြစ် ဒီမှာရတဲ့ဝင်ငွေက မြန်မာပြည်မှာထက်စာရင် လူတန်းစေ့နေနိုင်သေးတယ်။ စုတတ်ဆောင်းတတ်တဲ့လူတွေဆို မြန်မာပြည်က အိမ်ကိုတောင် ပြန်ထောက် နိုင်ကြတာရှိတယ်။ ပြီးတော့ အလုပ်လည်း ရှာရတာသိပ်မခက်ဘူးဗျ။ ဒါကြောင့်ပဲ ကျနော်တို့ဗမာတွေက စိတ်ဆင်းရဲကိုယ်ဆင်းရဲခံ၊ အောက်ကျခံပြီး ကုပ်ကတ်လုပ်နေကြတာပါ။ လူကုန်ကူးခံရလို့၊ အလုပ်ရှင်ဆိုးနဲ့တွေ့လို့ ဒုက္ခရောက်ကြရတာတွေကတော့ ခြွင်းချက်ပေါ့ဗျာ။’’
သိချင်တာရှိ မေးပါ သိသလောက် ပြန်ဖြေ ပေးပါ့မယ်လို့ ကျနော်ကပြောမိတော့ လူငယ်တယောက်က ဓါတ်ပုံကြည့်ပြီး မေးတယ်။ ဒါ သီရိဒုံ လားတဲ့ ကျနော်ဖြင့် ရင်နာလို့ မဆုံးဘူးဗျာ

အိမ်ရှင်ဦးလေးက လူမှုရေး အသင်းလေးတခုကို ဦးဆောင် ဖွဲ့စည်းထားသူ ဖြစ်ပြီး နီးစပ်ရာ ရွာနားဝန်းကျင်တဝိုက်မှာ လူမှုရေးလုပ်ငန်းတွေ လုပ်နေကြတာပါ။ အခု သူတို့ ဖွင့်ချင်တဲ့ စာသင်ကျောင်းက အတန်းကျောင်းဆိုပေမယ့် ဘာသာရေးအဓိကနွယ်တဲ့ ကျောင်းဖြစ်စေချင်တယ်လို့ဆိုတယ်။ ကျမတို့ပြည်တွင်းမှာနေတုန်းကတော့ ယုံကြည်ကိုးကွယ်မှုက ဗုဒ္ဓဘာသာကိုပဲ အဓိကများတော့ သိပ်ပြဿနာမရှိခဲ့ကြဘူး။

ဒါပေမဲ့ အခု ထိုင်း-မြန်မာနယ်စပ် အဓိကအားဖြင့် မဲ့ကဆာရွာဘက်မှာကျတော့ ဘာသာရေး စည်းရုံးသိမ်းသွင်းမှုတွေက အတန်းကျောင်းတွေမှာ ပညာရေးထက် နေရာပိုယူလာကြတာမို့ ကလေးတွေရဲ့ အနာဂတ်မှာ မိရိုးဖလာ ကိုးကွယ်ယုံကြည်လာမှု ပျောက်မှာ စိုးရိမ်နေကြပုံရတယ်။

ဒါကြောင့်ပဲ နယ်ခံတွေက ဗုဒ္ဓဘာသာနဲ့ ပတ်သက်ပြီး ကလေးတွေကို အသိဉာဏ် သွင်းပေးနိုင်တဲ့ ကျောင်းမျိုး ကိုယ့်လူမျိုး ကိုယ့်ဘာသာရဲ့ ဓလေ့ထုံးစံကို ထိန်းသိမ်းနိုင်တဲ့ ကျောင်းမျိုးမှာ ထားချင်တယ်။ အများစုက ခရစ်ယာန်ဘာသာဝင်တွေ ဦးစီးတဲ့ ကျောင်းဖြစ်နေတော့ မိဘတွေရဲ့ စိတ်ထဲမှာလည်း ကိုယ့်သားသမီးတွေကို ကိုယ်နဲ့ လမ်းလွဲသွားမှာ စိုးနေကြရတယ်လို့ ပြောပြကြပါတယ်။

‘‘ကျနော်တို့က လူတွေဘာသာရေးနဲ့ မစိမ်းဖို့အတွက် တရားပွဲတွေလည်းကျင်းပပေးတယ်။ ဒါပေမယ့်လူတွေက ဘာသာရေးနဲ့ဝေးနေကြတယ်ဗျာ။ တရားနာဖို့ဆိုရင် လူကသိပ်မရှိကြတော့ဘူး. ဒါနဲ့ကျုပ်က ကြေညာရတယ်။ တရားနာဖို့ကြွပါ၊ တယောက်ကိုဘတ် (၆ဝ)ပေးပါ့မယ်လို့။ အဲလို အထူးတလည်နှိုးဆော်နေရတာပေါ့ဗျာ။ ဒါပေမဲ့ ပိုက်ဆံတော့မယူကြပါဘူး’’

အိမ်ရှင်ဦးလေးကြီးရဲ့စကားက ကျမအတွက်တွေးစရာတခုပေးလိုက်သလိုပါပဲ။ ကျမတို့ဗမာတွေစားဝတ်နေရေး အတွက် လုံးပန်းနေရတာကြောင့် ဘာသာရေးယုံကြည်ကိုးကွယ်မှုတွေ၊ ရှေးအစဉ်အဆက်က ထိန်းသိမ်းခဲ့ကြတဲ့ ယဉ်ကျေးမှု အစဉ်အလာတွေပျောက်ကုန်ကြပြီလား။

ဘာသာရေးကိုးကွယ်မှုတွေ၊ ရိုးရာအစဉ်အလာတွေကို ထိန်းသိမ်းစောင့်ရှောက်နိုင်မှု မရှိရင်တော့ ခက်ကုန်ကြတော့မယ်ဆိုတာ ကျမ တွေးနေရင်း..
‘‘ကျနော်တို့ မြန်မာတွေနိုင်ငံရေးနဲ့ ဝေးကြပုံများတော့ဗျာ.. ပြောရအုံးမယ် တခါသား ဒေါ်အောင်ဆန်းစုကြည်ရဲ့ မွေးနေ့ပွဲကျနော်တို့ လုပ်ကြတယ်ဗျာ၊ ဒေါ်စုပုံကြီးတွေကိုလည်း ချိတ်ထားတာပေါ့။ သိချင်တာရှိ မေးပါ သိသလောက် ပြန်ဖြေပေးပါ့မယ်လို့ ကျနော်ကပြောမိတော့ လူငယ်တယောက်က ဓါတ်ပုံကြည့်ပြီး မေးတယ်။ ဒါ သီရိဒုံ လားတဲ့ ကျနော်ဖြင့် ရင်နာလို့ မဆုံးဘူးဗျာ’’

ဒီစကားကြားတော့မှ ကျမလည်း တုန်လှုပ်သွားမိတယ်။ အယ်…မဲဆောက်မှာ နိုင်ငံရေးအဖွဲ့အစည်းတွေ နှစ်ရှည်လများအခြေချပြီး နိုင်ငံရေးလုပ်ငန်းတွေ ပြောနေကြ၊လုပ်နေကြတာ မဲဆောက်နဲ့ ဆယ့်ငါးမိနစ်လောက် ကားမောင်းရတဲ့ ရွာက မြန်မာအလုပ်သမား လူငယ်လေးတွေ ဒေါ်စုကို မသိကြ မမြင်ဘူးကြဘူး ဆိုရင်တော့ ဦးလေးရယ်…။

www.mizzimaburmese.com မှကူးယူဖော်ပြသည်။

သူ့ကိုယ်သူ စစ်ဘုရင်တပါးလို မြင်တယ်

“သူ့ကိုယ်သူ စစ်ဘုရင်တပါးလို မြင်တယ်”

ဘန်နဒစ် ရောဂျာ (Benedict Rogers)ရေးသားတဲ့ “ဗိုလ်ချုပ်မှူးကြီး သန်းရွှေ သို့မဟုတ် မြန်မာ့အာဏာရှင် မျက်နှာဖုံး ကို ခွာချကြည့်ခြင်း (Than Shwe: Unmasking Burma's Tyrant)” စာအုပ်က မြန်မာနိုင်ငံကို အာဏာရှင်စနစ်နဲ့ အုပ်ချုပ်နေတဲ့ လူတယောက်ရဲ့အကြောင်းကို ပထမဦးဆုံးအကြိမ် အသေးစိပ် လေ့လာတင်ပြထားတဲ့ စာအုပ်ဖြစ်ပါတယ်။

ဗိုလ်ချုပ်မှူးကြီး သန်းရွှေ အကြောင်း စာအုပ် ပြုစုရေးသားသူ Benedict Rogers ဟာ International Herald Tribune, Wall Street Journal, Far Eastern Economic Review, Guardian စတဲ့ စာနယ်ဇင်းတွေမှာ စာ ရေးသား သူတဦး ဖြစ်ပြီး မြန်မာနိုင်ငံနဲ့ ပတ်သက်ပြီးတော့ အခုစာအုပ်မတိုင်မီ A land without Evil; Stopping the Genocide of Burma’s Karen People အမည်ရှိ စာအုပ်ကိုလည်း ထုတ်ဝေဖူးပါတယ်။

Benedict Rogers ဟာ ဗြိတိန်နိုင်ငံအခြေစိုက် လူ့အခွင့်အရေးအဖွဲ့Christian Solidarity Worldwide(CSW) ရဲ့ ဒုတိယ ဥက္ကဌ လည်းဖြစ်ပါတယ်။

ဗိုလ်ချုပ်မှူးကြီး သန်းရွှေ အကြောင်းနဲ့ ပတ်သက်ပြီး Benedict Rogers ကို Simon Roughneen က တွေ့ဆုံမေးမြန်း ထားပါတယ်။

မေး။     ။ ပြည်တွင်းပြည်ပမှာရှိတဲ့ မြန်မာအတိုက်အခံတွေက  အတုအယောင် ဒါမှမဟုတ် စစ်တပ် ရွေးကောက်ပွဲလို့  ပြောနေကြတဲ့ ရွေးကောက်ပွဲကိုကျင်းပဖို့ စစ်အစိုးရက တွန်းတွန်းတိုက်တိုက် ဆောင်ရွက်နေချိန်မှာ ခင်ဗျားရဲ့ စာအုပ် ထွက်လာပါတယ်။ သူတို့ကိုယ်သူတို့ နိုင်ငံခြားရေးမူဝါဒ “လက်တွေ့ဝါဒီ” တွေလို့ ဂုဏ်ဖေါ်ထားတဲ့ လူတချို့က
ရွေးကောက်ပွဲ အပေါ်မှာ အကောင်းဘက်က မြင်တဲ့အပြင် ဒီရွေးကောက်ပွဲကနေတဆင့် အနာဂတ် ဒီမိုကရေစီကူး ပြောင်းရေးဆီကို တစုံတရာ ဦးတည်သွားနိုင်တယ်လို့ နိုင်ငံတကာအသိုင်းအ၀ိုင်းမှာ ပြောနေသံတွေ ကြားရပါတယ်။ အဲ့ဒီအမြင်က ဗိုလ်ချုပ်မှူးကြီးသန်းရွှေ ကမ္ဘာကြီးကို မြင်တဲ့အမြင်၊ ပြီးတော့ မြန်မာနိုင်ငံကို အနာဂတ်မှာ သူမြင်တွေ့လိုတဲ့ ပုံစံနဲ့ ထပ်တူကျပါသလား။

ဖြေ။     ။ ဗိုလ်ချုပ်မှူးကြီးသန်းရွှေရဲ့ ရည်ရွယ်ရင်းက သူ့ရဲ့ အစဉ်အလာကို ထိန်းသိမ်းစောင့်ရှောက်ဖို့နဲ့ သူရယ် သူ့ မိသားစု နဲ့ သူ့အပေါင်းအပါတွေကို ကာကွယ်ဖို့ပါပဲ။ အဓိပ္ပာယ်ပြည့်ဝတဲ့ ပြုပြင်ပြောင်းလဲမှု ဒါမှမဟုတ် ဒီမိုကရေစီ အသွင်ကူးပြောင်းရေးဆိုတဲ့ ဆန္ဒ သူ့မှာ လုံးဝ မရှိပါဘူး။ ဒါပေမယ့် နိုင်ငံတကာအသိုင်းအ၀န်းမှာ ရှိနေတဲ့ ကျနော်တို့ အလုပ်နဲ့ ပြည်တွင်းမှာရှိကြတဲ့ မြန်မာပြည်သူတွေရဲ့ အလုပ်တွေကြားမှာ မတူတာတွေ ရှိနိုင်သလို ရှိလည်း ရှိသင့် ပါ တယ်။ ရွေးကောက်ပွဲနဲ့ ပတ်သက်လို့ လက်တွေ့အခြေအနေနဲ့ကင်းကွာပြီး မြင်နေတဲ့ နိုင်ငံတကာသိုင်းအ၀ိုင်းက လူ တွေကို ကျနော် အလေးမထားပါဘူး။ ဒီရွေးကောက်ပွဲဟာ ဂုဏ်သိက္ခာကင်းမဲ့တဲ့ တရားမ၀င်လုပ်ငန်းစဉ်ဖြစ်တယ် ဆိုတဲ့ အချက်အပေါ်မှာ ကျနော်တို့အားလုံး သံသယကင်းသင့်ပါတယ်။ တခြားရွေးချယ်စရာ မရှိတဲ့အပေါ်မှာ ရှိတဲ့ အနေ အထားက အကောင်းဆုံးဖြစ်အာင် လုပ်သွားမယ်ဆိုတဲ့ မြန်မာနိုင်ငံသားတချို့ရဲ့ စဉ်းစားချက်ကို ကျနော် နားလည်  လေးစားပါတယ်။ တချို့က ရွေးကောက်ပွဲမှာ ၀င်ပြိုင်ချင်တယ်၊ တချို့က မ၀င်လိုကြဘူး။ ဒီအမြင်နှစ်ခုစလုံးကို ကျနော် လေးစားပါတယ်။ ဒါပေမယ့် ဒီရွေးကောက်ပွဲကနေ အပြောင်းအလဲအတွက် ဘာမျှော်လင့်ချက်မှ မရှိဘူးဆိုတာကိုတော့ နိုင်ငံတကာအသိုင်းအ၀န်းမှာ ကျနော်တို့ ရှင်းရှင်းလင်းလင်း ချပြရမှာဖြစ်ပါတယ်။

မေး။    ။ နိုင်ငံခြားရေးရာမူဝါဒ (Foreign Policy) မဂ္ဂဇင်း နောက်ဆုံးထုတ်မှာ ဗိုလ်ချုပ်မှူးကြီးသန်းရွှေကို ကမ္ဘာ တ၀န်း အာဏာရှင်တွေထဲက “အဆိုးတကာ့ အဆိုးဆုံး” စာရင်းမှာ နံပါတ် ၃ နေရာ ပေးထားပါတယ်။ သူတို့ပေးတဲ့ အဆင့်နဲ့ ခင်ဗျားရဲ့ သူနဲ့ပတ်သက်တဲ့ တွေ့ရှိချက်တွေ ကိုက်ညီမှု ရှိပါရဲ့လား။

ဖြေ။    ။ ကိုက်ညီပါတယ်။ မှန်လည်း မှန်ကန်ပါတယ်။ ကင်ဂျုံအီးလ် ပြီးရင် ဗိုလ်ချုပ်မှူးကြီး သန်းရွှေနဲ့ မူဂါဘီတို့ နှစ်ယောက်အကြား ဒုတိယနေရာအတွက် အကြိတ်အနယ်ပြိုင်ခဲ့ရတယ်လို့ ကျနော်ထင်တယ်။

မေး။     ။ လူမြင်လည်း မခံ၊ ပြင်ပနဲ့လည်း အဆက်အဆံမလုပ်၊ ဘယ်သူ့ကိုမှလည်း မယုံကြည်၊ သူ့ရဲ့ တောတွင်း မျက်မည်း မြို့တော်မှာပဲ ပုန်းအောင်းနေတဲ့ အာဏာရှင်တယောက်ရဲ့ အတ္ထုပ္ပတ္တိကို ရှာဖွေရေးသားရတဲ့အလုပ်ဟာ တကယ်လက်တွေ့ မှာ တော်တော့်ကို ခက်ခဲတဲ့ အလုပ်ဖြစ်မှာပါ။ အဲ့ဒီ အခက်အခဲတွေကို ခင်ဗျားဘယ်လို ဖြေရှင်းခဲ့ သလဲ ပြောပြပါလား။

ဖြေ။     ။ နိဒါန်းမှာကတည်းက ဒီစာအုပ်ရေးသားရာမှာ ကြုံခဲ့ရတဲ့ အခက်အခဲ အကန့်အသတ်တွေကို ကျနော် ကြို တင်ဖေါ်ပြထားပါတယ်။ ကျနော် ဗိုလ်ချုပ်မှူးကြီးသန်းရွှေ နဲ့ရော သူ့အတွင်း အ၀န်းအ၀ိုင်းနဲ့ပါ နီးနီးကပ်ကပ် ထိတွေ့ ခွင့် မရခဲ့ပါဘူး။ ဒါပေမယ့် သူ့အကြောင်းကိုသိပြီး သူနဲ့အတူ အလုပ်လုပ်ဖူးတဲ့ တပ်မတော်ကနေ ဘက်ပြောင်း လာသူ အတော်တော်များများကို ကျနော် ထိတွေ့ခွင့်ရခဲ့ပါတယ်။ သူနဲ့ ထိတွေ့ဆက်ဆံခဲ့ဖူးတဲ့ နိုင်ငံတကာသံတမန်တွေ နဲ့  လည်း ကျနော်ထိတွေ့ခွင့်ရခဲ့ပါတယ်။ ဒီစာအုပ်ဟာ ဗိုလ်ချုပ်မှူးကြီးသန်းရွှေရဲ့ ဘ၀ဇာတ်စုံ အတိအကျပါလို့ မပြောလို ပေမယ့် ကနေ့အချိန်အထိ ဘယ်သူမှ မထုတ်ဝေနိုင်သေးတဲ့ သူနဲ့ပတ်သက်တဲ့ ရှုမြင်ချက် အပြည့်အစုံကို ကျနော် ဖေါ်ထုတ်နိုင် ဖွင့်ဟနိုင်တယ်လို့တော့ ဆိုချင်ပါတယ်။ ကျနော့်စာအုပ်အပေါ် ဝေဖန်ချက်တွေကိုလည်း အားရကျေနပ် မိပါ တယ်။ ဘာတေးလ် လင့်တ်နာ ဆိုတာ တကယ့်ကို အားမနာတတ်တဲ့ ဝေဖန်ရေးဆရာတယောက်ပါ။ ဒါပေမယ့် ကျနော့် စာအုပ်နဲ့ပတ်သက်ပြီး အလွန်အပြုသဘောဆောင်တဲ့ သုံးသပ်ချက် တခု သူရေးထားပါတယ်။ အဲ့ဒီ အတွက် ကျနော် အတော့်ကို အားဖြစ်ရပါတယ်။

မေး။    ။ တပ်မတော်က ထွက်ပြေးလာတဲ့အရာရှိတဦးက DVB ကို လျှို့ဝှက်သတင်းအချက်အလက်တွေပေးပြီး အယ်လ်ဂျာဇီးယား ရုပ်/သံကနေ ထုတ်လွှင့်လိုက်တဲ့အခါမှာ စစ်အစိုးရရဲ့ နျူကလီးယား အစီအစဉ်နဲ့ ပတ်သတ်တာ တွေ ဟိုးလေးတကျော်ဖြစ်သွားခဲ့ပါတယ်။ နိုင်ငံထဲမှာ ဖြစ်ပျက်နေတာတွေနဲ့ သူတို့ရဲ့အတွေ့အကြုံတွေကို ပြောပြဖို့ ဘက်ပြောင်းလာမယ့်သူတွေ ထပ်ရှိလာနိုင်ဦးမလား။ တပ်မတော်သားတွေရဲ့ စိတ်နေစိတ်ထားနဲ့ စိတ်ဓာတ်ရေးရာ  အခြေအနေကရော ဘယ်လိုရှိပါသလဲ။

ဖြေ။     ။ မြန်မာ့အရေး လုပ်တဲ့ ၁၀ နှစ်ကျော်ကာလအတွင်းမှာ တပ်မတော်ကနေ ဘက်ပြောင်းလာသူ တော်တော် များများကို ကျနော် တွေ့ခဲ့ပါတယ်။ ဒီစာအုပ်အတွက် ကျနော့်ကို အများကြီးကူညီပေးခဲ့တဲ့ တယောက်ဆိုရင် ပြည်တွင်း ကလူတွေနဲ့ရော တပ်မတော်ထဲမှာရှိတဲ့ သူ့ရဲ့လုပ်ဖေါ်ကိုင်ဖက်ဟောင်းတွေနဲ့ပါ ပုံမှန် အဆက်အသွယ်ရှိသူ ဖြစ်ပါ  တယ်။ စစ်တပ်ထဲမှာ စိတ်ဓာတ်ရေးရာ ကျဆင်းမှုတွေ အရမ်းဖြစ်နေတယ်။ ရဲဘော်တွေ တပ်ကထွက်ပြေးချင်နေ ကြ တယ်။ အနိမ့်ဆုံးအဆင့် စစ်အစိုးရကို ချိနဲ့သွားအောင် တန်ပြန်လုပ်နိုင်တဲ့ ပြည်ပက လူတွေဆီကို သတင်းအချက် အလက်တွေ ဖွင့်ထုတ်ပေးချင်နေကြတယ်။ တပ်ကထွက်ပြေးလိုကြတဲ့ စစ်သားတွေကို အဓိက တွန့်ဆုတ်စေတဲ့အရာက ဘာလဲဆိုတော့ အထူးသဖြင့် ထိုင်းနိုင်ငံအပါအ၀င် အိမ်နီးချင်းတိုင်းပြည်တွေမှာ သူတို့အတွက် လုံခြုံမှု မရှိတာဘဲ ဖြစ် တယ်။ တကယ်လို့ နိုင်ငံတကာအသိုင်းအ၀န်းက ဘက်ပြောင်းလာသူတွေအတွက် လုံခြုံမှုကို ပိုပြီး စီစဉ်ပေးနိုင်တယ် ဆိုရင် တပ်ကနေ လူတွေပိုပြီး စွန့်ခွာလာကြမယ်၊ သတင်းအချက်အလက်တွေလည်း ပိုထွက်လာပါလိမ့်မယ်။

မေး။    ။ တကယ်လို့ တစုံတယောက်က ဘက်ပြောင်းဖို့ စဉ်းစားမယ်ဆိုရင် သူ့မှာ ဘယ်လိုမျိုး အခက်အခဲ အကျပ် အတည်းတွေနဲ့ ရင်ဆိုင်ရမလဲ။

ဖြေ။    ။ ထိုင်းနိုင်ငံနဲ့ အိမ်နီးချင်းနိုင်ငံတွေမှာ မြန်မာစစ်သားတွေ ဒါမှမဟုတ် အရာရှိတွေကို တွေ့တာနဲ့ မြန်မာ နိုင်ငံ ကို ပြန်ပို့ရမယ်ဆိုတဲ့ စစ်အစိုးရနဲ့ သဘောတူညီချက်ရှိထားတယ်။ အဲဒီတော့ တပ်ကထွက်ပြေးလာသူ တယောက် အတွက် မြန်မာပြည်ကို ပြန်ပို့ခံရမယ့်အန္တရာယ်၊ ပြီးတော့ ကိုယ့်နိုင်ငံထဲပြန်ရောက်ရင်လည်း ဆက်ပြီးကြုံရဦးမယ့် ဒုက္ခ တွေရယ် ဒါတွေရှိတယ်။ နောက်တခုက လူသိရှင်ကြားအပြင်ထွက်ပြီး စစ်အစိုးရအကြောင်း ထုတ်ပြောမယ့် တပ်ပြေး တွေ ဟာ စစ်အစိုးရ ထောက်လှမ်းရေးတွေရဲ့ တိုက်ခိုက်ခံရတာတို့ လုပ်ကြံခံရတာတို့ လက်စဖျောက်ခံရတာတို့ စတာ တွေ ကြုံတွေ့ရနိုင်သေးတယ်။

ဥပမာ ထိုင်း-မြန်မာနယ်စပ်က မဲဆောက်လို နေရာမျိုး တွေမှာပေါ့။ နောက်ထပ်အခက်အခဲတခုကတော့ နိုင်ငံတကာ အသိုင်းအ၀န်းရဲ့ အမြင်ပါ။ နိုင်ငံတကာရဲ့တပ်ပြေးတွေ အပေါ် ချဉ်းကပ်မှုက နိုင်ငံရေး ခိုလှုံခွင့်လျှောက်ထားသူတွေနဲ့ စာရင် ပိုပြီး ရှုပ်ရှုပ်ထွေးထွေးရှိတယ်။ ယေဘုယျကြည့်မယ်ဆိုရင် နိုင်ငံတကာ က တပ်ပြေးတွေကို လက်ခံဖို့ ပိုပြီးလက် တွန့်တတ်ကြပါတယ်။ အံ့သားသင့်စရာကောင်းတာက ဘာလဲဆိုတော့ ဥပမာ ထိုင်းနယ်စပ်ကနေ တိမ်းရှောင်လာတဲ့ သူတွေနဲ့ယှဉ်ရင် သံရုံးတွေကနေတဆင့် ဘက်ပြောင်း ကြသူတွေအတွက်က ပိုပြီးလွယ်ကူနေသလို ဖြစ်နေတာပါပဲ။

မေး။    ။ ဗိုလ်ချုပ်မှူးကြီး သန်းရွှေက သူ့ကိုယ်သူ ဒဏ္ဍာရီထဲက အတိတ်ဘ၀နဲ့ ဆက်စပ်နေသယောင်ပြောပြီး သူ့ အစိုးရ ကိုလည်း ရှေးမြန်မာဘုရင်တွေရဲ့ ထီးနန်းတွေပုံစံလိုမျိုး ပုံဖေါ်နေပုံရတယ်။ ဗိုလ်ချုပ်မှူးကြီး သန်းရွှေက မြန်မာ ဘုရင်တပါးပါး ၀င်စားထားသူများလားဗျာ။

ဖြေ။    ။ ဗိုလ်ချုပ်မှူးကြီး သန်းရွှေက သူ့ကိုယ်သူ စစ်ဘုရင်တပါးလိုမြင်တယ်။ မြန်မာ့သမိုင်းကြောင်းမှာ ကျော်ကြားခဲ့ တဲ့ ဘုရင်တွေပုံစံနဲ့ ခေတ်အမြင်ရှိသူ စစ်ဘုရင်တပါးပေါ့။ ဥပမာ ဆိုရရင် မြန်မာဘုရင်တွေက သူတို့ အတွက် မြို့သစ် တည်တာတွေ သဘောကျခဲ့ကြတယ်။ ဗိုလ်ချုပ်မှူးကြီး သန်းရွှေလည်း အဲဒါကို အတုယူပြီး နေပြည်တော်မြို့တော်သစ်ကို တည်ခဲ့တာပဲလေ။ မြို့သစ်တည်ရတဲ့ တခြားအကြောင်းရင်းတွေလည်း ရှိပါသေးတယ်။ မြန်မာနိုင်ငံမှာ နောက်ထပ် လူထုအုံကြွမှုတခုပေါ်လာနိုင်တာမျိုးတို့၊ စစ်ရေးအဆောက်အအုံတွေကို ဖုံးကွယ်ဖို့ လိုအပ်တာမျိုးတို့၊ အင်အားကြီး တိုင်းပြည် တခုက လာတိုက်မှာကို ကြောက်တာမျိုး စသဖြင့်ပေါ့။ တချို့အချက်အလက်တွေက ဘယ်လိုမှ မဆီလျော် ပေမယ့် အဲဒါတွေက သူတကယ်စဉ်းစားနေတဲ့ အချက်တွေပဲ။

မေး။    ။ ဗိုလ်ချုပ်မှူးကြီး သန်းရွှေရဲ့ အုပ်ချုပ်မှု စိတ်ပညာနဲ့ပတ်သက်ပြီး ပြောပြပါဦး။ သူက ဗေဒင်လက္ခဏာကို အတော်ယုံကြည်ပြီး အယူသည်းသူ တယောက်လို့ ကောလာဟလတွေ ပြောကြတယ်။ အဲဒါက တကယ်ပဲလား။

ဖြေ။    ။ ဗေဒင်က သူ့စဉ်းစားချက်တွေရဲ့ အစိတ်အပိုင်းတခုအဖြစ် ရှိနိုင်ပါတယ်။ သာဓကအနေနဲ့ ပြောရမယ်ဆိုရင် အခမ်းအနားတွေအတွက် အချိန်သတ်မှတ်တာ၊ ထောင်သက်တမ်းသတ်မှတ်တာတွေဆိုရင် သူ့စဉ်းစားချက်တွေက လက်ရှိလမ်းညွှန်ချက်မူဝါဒတွေထက် ကျော်လွန်ပြီး ဗေဒင်အပေါ်မှာ မူတည်နေတတ်ပါတယ်။ တချို့အရေးကြီးတဲ့  အခမ်းအနားတွေဆို သတ်မှတ်ပေးထားတဲ့ အောင်အတိတ်ဆောင်တဲ့ရက်တွေမှာ အချိန်ကိုက်ကျင်းပရပါတယ်။ ဒါပေ မယ့် ဒီအချက်တွေကို ကြည့်ပြီး ဗိုလ်ချုပ်မှူးကြီး သန်းရွှေဆိုတဲ့လူက အယူသည်း ရူးကြောင်ကြောင် အာဏာရှင် လို့ တော့ မဆိုနိုင်ပါဘူး။ သူ့ကို အပေါ်ယံကြော ကြည့်ပြီး အထင်သေးလို့မရပါဘူး။ သူဟာ လူတွေကို ခွဲခြားပြီး အုပ်ချုပ်တဲ့နေရာမှာ သိပ်ကိုတော်ပြီး ကျွမ်းကျင်တဲ့ သူပါ။ ဗေဒလက္ခဏာဆိုတာ ဗိုလ်ချုပ်မှူးကြီး သန်းရွှေထက်စာရင် သူ့မိန်းမရဲ့ စဉ်းစားချက်တွေအတွက် ပိုအရေးကြီးတယ်လို့ ဆိုနိုင်ပါတယ်။

မေး။    ။ သူ့ဇနီးက သူ့အပေါ်မှာ နိုင်ငံရေးအရ ဒါမှမဟုတ် ပုဂ္ဂိုလ်ရေးအရ လွှမ်းမိုးမှု ဘယ်လောက် ခိုင်ခိုင်မာမာ ရှိပါ သလဲ။ သူကတကယ်ပဲ ခင်ပွန်းသည်အပေါ်မှာ အနိုင်ယူတဲ့ ပုံစံမျိုးလား ဒါမှမဟုတ် လူတွေက ပုံကြီးချဲ့ပြောကြတာ လား။

ဖြေ။    ။ ပထမအချက်အနေနဲ့ ဗိုလ်ချုပ်မှူးကြီး သန်းရွှေကို ကျနော် ဘယ်လောက်နီးနီးကပ်ကပ် ထိတွေ့ခွင့် ရသလဲ ဆိုတဲ့ အချက်က ဒီမေးခွန်းအတွက် အရေးကြီးလာပါတယ်။ ကျနော်က သူ့အိမ်နံရံပေါ်မှာ ကပ်နေတဲ့ ယင်ကောင် လည်း မဟုတ်ပါဘူး။ ဒါကတော့ဖော့ပြောတဲ့ စကားပါ။ ဒေါ်ကြိုင်ကြိုင်မှာ လွှမ်းမိုးနိုင်တဲ့ အကြောင်းအရာ တချို့ရှိပါ တယ်။ အထူးသဖြင့် ဒေါ်အောင်ဆန်းစုကြည်နဲ့ ပတ်သက်လာရင်ပါ။ ဒေါ်ကြိုင်ကြိုင်က ဒေါ်အောင်ဆန်းစုကြည် ကို မကြိုက်တာ ဗိုလ်ချုပ်မှူးကြီး သန်းရွှေထက် မပိုဘူးဆိုရင်တောင် လျော့တော့မလျော့ပါဘူး။

မေး။    ။ ဘာကိုမကြိုက်တာလည်းဆိုတာ ပြောပါဦး။ ပုဂ္ဂိုလ်ရေးလား၊ နိုင်ငံရေးလား ဒါမှမဟုတ် နှစ်ခုစလုံး ရောနေသလား။

ဖြေ။    ။ အကုန်လုံးပါနိုင်ပါတယ်။ နိုင်ငံရေးအရကြည့်မယ်ဆိုရင် ဒေါ်အောင်ဆန်းစုကြည်က ဗိုလ်ချုပ်မှူးကြီး သန်းရွှေ ရဲ့ ပြိုင်ဖက် ဖြစ်နေပါတယ်။ ဗိုလ်ချုပ်မှူးကြီး သန်းရွှေက သူ့တိုင်းပြည်မှာ တိုင်းပြည်ရဲ့ ဖခင်ကြီးသဖွယ် သူ့ကိုယ်သူ မြင်နေတာလေ။ ဒေါ်အောင်ဆန်းစုကြည်က အသက်အားဖြင့် ငယ်တဲ့အပြင် အခုလို အုပ်ချုပ်တဲ့ စနစ်ကိုလည်း သဘောမကျ ဖြစ်နေတဲ့သူပါ။ ပွင့်ပွင့်လင်းလင်းလင်းပြောရရင် ဒေါ်အောင်ဆန်းစုကြည်မှာ အကုန်ပြည့်စုံတယ်။ ရုပ် ရည် အရ လှပတယ်၊ နိုင်ငံတကာဗဟုသုတရှိတယ်၊ ယဉ်ကျေးမှုရှိတယ်၊ ပညာတတ်တယ်။ ဒေါ်ကြိုင်ကြိုင်မှာ ဘာမှ မရှိဘူး။

မေး။    ။ ခင်ဗျားကChristian Solidarity Worldwide မှာ အရှေ့အာရှရေးရာ ကျွမ်းကျင်သူဖြစ်တဲ့အပြင် မကြာ သေးခင် က ဗြိတိန်မှာ အာဏာရသွားတဲ့ ကွန်ဆာဗေးတစ် ပါတီနဲ့လည်း နီးစပ်သူ ဖြစ်ပါတယ်။ ပထမမေးချင်တာက ၀န်ကြီးချုပ် ဒေးဗစ်ကန်မရွမ်း ဒါမှမဟုတ် နိုင်ငံခြားရေးဝန်ကြီး ၀ီလီယံဟေး ခင်ဗျားစာအုပ်ကို ဖတ်ပြီးသွားပြီလား။ ဒုတိယ မေးချင်တာက ဒီစာအုပ်က ဗြိတိန်နဲ့ နိုင်ငံတကာရဲ့ မူဝါဒတွေအပေါ် ဘယ်လိုပုံစံနဲ့ သြဇာသက်ရောက်မှု ရှိမယ် လို့ ခင်ဗျားမျှော်လင့်ထားပါသလဲ။

ဖြေ။    ။ သူတို့ဖတ်မဖတ်တော့ ကျနော်မသိဘူး။ ဖတ်မယ်လို့ ကျနော်မျှော်လင့်ပါတယ်။ အောက်လွှတ်တော် ဥက္ကဌ က လာမယ့် ဗြိတိန်စာအုပ်ကြော်ငြာပွဲမှာ စကားလာပြောပေးမယ်လို့ သဘောတူထားပါတယ်။ ကျနော် အဲဒီနေ့ကို အများကြီးမျှော်လင့် စောင့်ဆိုင်းနေပါတယ်။ ကျနော်ပြောခဲ့သလိုပါပဲ။ လက်ရှိစီစဉ်နေတဲ့ ရွေးကောက်ပွဲဟာ မြန်မာ နိုင်ငံ အတွက် ဘယ်လိုအဓိပ္ပာယ် ဆောင်တယ် ဆိုတာကို အဓိပ္ပာယ်ကောက်လွဲနေကြသူတွေ ဒါမှမဟုတ် ရွေးကောက်ပွဲ နဲ့ ပတ်သက်ပြီး အကောင်းမြင်နေကြတဲ့ သူတွေကို ဒီစာအုပ်က လှုပ်နှိုးနိုင်လိမ့်မယ်လို့ ကျနော်မျှော်လင့် ပါတယ်။

မြန်မာနိုင်ငံမှာ ဖြစ်ပျက်နေတဲ့ လူသားမျိုးနွယ်အပေါ် ကျူးလွန်တဲ့ ရာဇ၀တ်မှုလို ပြစ်မှုတွေက ဗိုလ်ချုပ်မှူးကြီး သန်းရွှေ ရဲ့ အခန်းကဏ္ဍကို စုံစမ်းဖေါ်ထုတ်ဖို့ စုံစမ်းစစ်ဆေးရေးကော်မရှင်တရပ်ရှိသင့်တယ်လို့ တခြားသူတွေ ယုံကြည်သလို ကျနော်လည်း ယုံကြည်တယ်ဆိုတဲ့ အကြောင်းကိုလည်း ကျနော် အကြမ်းဖျဉ်းဖေါ်ပြထားပါတယ်။ ဗြိတိန်ရဲ့မူဝါဒနဲ့ ပတ်သက်လို့ ကတော့ အရင် အစိုးရကထားရှိတဲ့ မူဝါဒတွေနဲ့ သိပ်ပြီးကွဲလွဲမယ်လို့ ကျနော်မမျှော်မှန်းပါဘူး။

ဝီလီယံဟေးက မြန်မာပြည်အရေးအတွက် ခိုင်မာတဲ့ သူ့စိတ်ရင်းစေတနာကို ပြသခဲ့ပြီး ဖြစ်ပါတယ်။ သူအတိုက်အခံ ဘ၀တုန်းက ဇိုရာဖန်းကို တိုရီ ပါတီညီလာခံမှာ မိန့်ခွန်းပြောဖို့ ဖိတ်ကြားခဲ့တယ်။ လန်ဒန်မှာ ဇိုရာဖန်းစာအုပ် ထုတ်ဝေ တဲ့ အခမ်းအနားမှာလည်း သူတက်ရောက်စကားပြောခဲ့တယ်။ ဒေးဗစ်ကန်မရွန်း နဲ့ ၀ီလီယံဟေးတို့ နှစ်ဦးစလုံးက နန်း ချမ်တောင်းနဲ့လည်း တွေ့ဆုံခဲ့ဖူးပါတယ်။ ဒေးဗစ်ကန်မရွန်းရဲ့ ရုံးအုပ်က ဒေါ်အောင်ဆန်းစုကြည်ရဲ့ မိတ်ဆွေရင်းချာ  တယောက်ပါ။ ဒါပေမယ့် ကျနော်ထင်တာက လေဘာ ပါတီ ခေတ်တုန်းကလို မြန်မာပြည်အကြောင်းကို ၀န်ကြီးချုပ် ဂေါ်ဒွန်ဘရောင်း ကိုယ်တိုင် ထုတ်ပြောတာမျိုးရှိမယ် မထင်တော့ပါဘူး။ နိုင်ငံခြားရေးဝန်ကြီးကသာ မြန်မာပြည်ရေးရာ ကိစ္စတွေ ပြောလာနိုင်ပါတယ်။

ဗိုလ်ချုပ်မှူးကြီး သန်းရွှေဆိုတဲ့လူဆိုတာ ကျနော်တို့ခင်ဗျားတို့ အတူတူထိုင်၊ လက်ဖက်ရည်သောက်ပြီး တိုင်းပြည်ကို ဘယ်လိုပြောင်းလဲရင် ကောင်းမလဲဆိုတာ ဆွေးနွေးလို့ ရတဲ့လူစားမျိုးလို့ ထင်နေကြတဲ့ ပါးစပ်ရာဇ၀င်တွေကို ဒီစာအုပ် ကနေ ချေဖျက်နိုင်လိမ့်မယ်လို့ ကျနော်မျှော်လင့်တဲ့အကြောင်း ပြောလိုပါတယ်။

ဗိုလ်ချုပ်မှူးကြီး သန်းရွှေက စကားလုံးတလုံး၊ သဘောတရားတခုကိုပဲ နားလည်ပါတယ်။ အဲဒါက အင်အားသုံးခြင်းပါပဲ။ ဒါတွေပြောနေလို့ စစ်ရေးအရ အင်အားသုံးဖို့ ကျနော် တိုက်တွန်းတာမဟုတ်ပါဘူး။ အဲ့ဒီလို အင်အားသုံးတာမျိုးကို ကျနော် အယုံအကြည်မရှိသလို စစ်အစိုးရကို အထီးကျန်ထားတာကိုလည်း မှန်ကန်တဲ့နည်းလမ်းလို့ ကျနော်မမြင်ပါ ဘူး။ မြန်မာပြည်ကို အုပ်စိုးနေတဲ့သူရဲ့သဘောသဘာဝကို ကျနော်တို့ နားလည်ရပါမယ်။ အကျိုးသင့် အကြောင်းသင့်  ဖြစ်ရမယ့်ကိစ္စတွေကို သူဘာကြောင့် နားမထောင်ချင်ရတာလဲ ဆိုတာကိုလည်း ကျနော်တို့ သိထားဖို့လိုပါတယ်။

စုံးစမ်းစစ်ဆေးရေးကော်မရှင်အပါအ၀င် ဗိုလ်ချုပ်မှူးကြီး သန်းရွှေကို အဓိက ဘေးကျပ်နံကျပ်ဖြစ်စေမယ့် ပစ်မှတ်ထား ဖိအားပေးမှုတွေ၊ ပစ်မှတ်ထား ဆက်ဆံမှုတွေလုပ်နိုင်ဖို့ နိုင်ငံတကာအသိုင်းအ၀ိုင်းက မဟာဗျူဟာမြောက်တဲ့ မူဝါဒ တခု ဖြစ်ပေါ်လာအောင် ၀ိုင်းဝန်းကြိုးပမ်းဖို့ လိုပါတယ်။ တကယ်လို့ ကျနော့်စာအုပ်က စုံစမ်းစစ်ဆေးရေး ကော်မရှင် တခု ဖြစ်လာဖို့အတွက် အထောက်အကူဖြစ်စေခဲ့တယ်ဆိုရင် ဒါမှမဟုတ်လည်း အနိမ့်ဆုံးအဆင့် ဘာကြောင့် ဒီလို ကော်မရှင်မျိုး လိုအပ်တယ်ဆိုတာကို လူတွေပိုပြီး နားလည်လာတယ်ဆိုရင် ကျနော့်စာအုပ်က တစုံတရာ အောင်မြင်မှုရှိတယ်လို့ ဆိုရမှာပါ။

www.irrawaddymedia.com မှကူးယူဖော်ပြသည်။

ဝီကီဗားမား

ဝီကီဗားမားရဲ့ရည်ရွယ်ချက်ကတော့ ပြည်တွင်းက ပြည်သူတွေရဲ့ ပြောချင်တဲ့ အသံစစ်စစ်တွေနဲ့ သတင်းအမှန်တွေ နအဖ ရဲ့ တလွဲလုပ်တာမှန်သမျှကို ဖော်ထုတ်ဖို့ပဲ ဖြစ်ပါတယ်။